Copia di alcune lettere di missier Anzolo Morezini di missier Antonio, de dì 3 Luio, ricevute a dì 16 ditto, 1523.

Al nome de Dio, 1523. In Tripoli.

Al clarissimo Capitanio dil regno di Cypri.

Clarissime et observantissime Domine.

Scripsi un'altra a li 30 del passato. Queste poche de parole per quest' altro navilio in più satisfation de la magnificentia vostra, chè qui non è mal algun de morbo. Tutti i merchadanti sono ritornati a casa, e quelli fuzino da Baruthi a li principii ne le montagne voleno redurse qui, per loco più neto de la Soria a laude de Dio. Le nove del Cayro par sia de più momento de quel se indica. Vien ditto che l' armada de qu. Chayrbeg, era nel Nilo, è stà brusata. El defterdar, che fu a l'isola, è zonto a quelle marine, non s'inchala andar al Cayro. L'è vero che altri navilii non son zonti che quelli in Baruthi, e par tutto vegni per quella via, che alguni hanno opinion tengono secreto. Ma sia quel si voglia, non se poi iudicar salvo sarà focho di paglia. Altro non habiamo, che relation meriti. A la magnificentia vostra umiliter me ricomando.