Dil ditto, di 28 Novembrio, tenute fino a di primo Dezembrio.
Come Perì bassà, havendo inteso el Gazeli aversi insignorito di tutta la Soria excepto il castelo di Aleppo, et esservi andato il campo soto per averlo, el Signor fa cavalchar janizari 4000 e li soldati di la corte excepto li .... che sono numéro 700. Et Feraga bassà passò zà su la Natolia, come scrisse per le altre; etiam fato preparation di armada, e voleno armar 25 galie, qual tuttaavia si mette ordene per mandarle in Alexandria con altri navili et zente, sichè per tutto il mexe sarano in ordene; et si fanno aparati grandi, et si tien sia contra di altri che dil Gazali, perchè se divulga el Sophì esser in campagna di qua di Tauris molto potente; e si tien presto etiam el Signor passerà su la Natolia.