Da Constantinopoli, dil Baylo nostro sier Tomà Contarini, date in Pera a di primo Dezembrio.

Come a di 29 dil passato, ricevete tre nostre di 11, 15, 19 Octubrio, con l'aviso de le quatro fuste et, remetendo a parlar a li bassà quando a lui parera; e come ha scrito, per le altre li bassà avendone parlato, lui aquietò la cossa, sichè contentono aspetar et ritorno del suo schiavo venuto a la Signoria nostra, o il zonzer di l'Orator nostro de li; sichè non li ha parso di promover altro, e spera quelle cosse passera presto. E ha auto le copie, di le letere dil Provedador di l’armada.

Etiam da lui Provedador ave do man di letere con el processo fato, tamen non li ha parso dir nulla più. Si I' achaderà, dira a li bassa, a i qual in questo tempo justifichò molto la Signoria etc. E come da lui ha ditto, se li fosseno stà causa meriteriano esser castigati. Scrive, vien fati assa' rechiami a li bassà, e di quella cossa di Napoli di Romania, di quel turco di la Morea etc. e di carazari, li piace sia stà dato bon ordene non sarano più acetadi. Scrive poi di danari; se li proveda, non ha il modo; lui è creditor per il conto mandato, prega siati mandati a pagar una letera trasse in sier Marco Loredan di ducati 45.

Item, si fazi el successor, al qual non si dagi commission spendi col Consejo di XlI, perchè lui ha speso ducati 210 senza Consejo di XII; che si I' havesse fato, si haria speso molto più.

Scrive, li bassà averli ditto scriva a la Signoria voy prender e mandargelo, overo non lo lassar passar in Barbaria, quel Caramameth qual ha fato assa' danni et preso la nave Coresa. Per tanto, saria bon la Signoria nostra facesse persequitar dito corsaro fino in finibus terrae.