L'artellarìa che ha trato in ditto assedio.

Primo. Da li 19 Luio, Sabato hora terza del giorno hanno turchi comenzato a tirar trabuchi, li quali hanno tirato fin a l'ultimo dì de Avosto, Domenega, tiri, zoè colpi, numero 1956.

A dì 24 ditto, Zobia. Da matina comenzorono a trar con diversi mmanteleti (sic) et la maior parte del bater con 40 manteleti, et fin a li 9 de Dezembrio Martidì hanno tirato tiri numero 8302, et baxelischi tiri numero 1158.

A dì 4 Avosto. Comenzono a bater la tore di San Nicolò con repari (sic) 4, et poi cesorono el comenzono a tirar con due mezi baxilischi, fin a dì 8 Settembre Lunidi, et tirono tiri numero 395, de li qual erano de baxilischi numero 150, et il resto di due repari.

Nota. Che dal mezozorno sopraditto fin a dì 9 Dezembrio, Martedì, in tutto tiri numero 11416, de palmi 8, 7, 6, 5 ½, et 5 ½ de li baxilischi palmi 3 et 3 ½ con balote di bronzo et ferro.