Fu posto, per sier Francesco Morexini savio a terra ferma, e li Savii a i ordeni, revochar la parte presa in armar quel Julio da Brunà da Brexa qual vadi con l’orator va al Signor turco, e si armi una galìa de qui, con uno Soracomito nostro. A l'incontro, li Savii dil Consejo et altri di terra ferma messeno star sul preso, videlicet armarlo. Parlò primo sier Hironimo Querini savio a terra ferma. Li rispose sier Francesco Morexini predetto, poi lo infilzò sier Bertuzi Gabriel savio a i ordeni.