Del sanzacho de Visoo.

El sanzacho de Visoo fu mostanzi passato, et molto era in gratia del signor; et questo dicessi, perchè bevevano insieme. Costui era certo omnipotente sopra tuti a poter comandar et a’ bassà et altri cui si fosse; imperiosamente intrometevassi in tute quelle cosse el cognosseva poterne haver proficto et avadagnar, et non solo di cosse de merchantia, ma de tute rason de intrade, sì de possessione, chomo de peschiere et venason di ogni sorta. A presso si atrovava dui galioni, l’uno de bote 1200 in circha, l’altro de 350, et la nave che fu Malipiera. Et questo anno passato el dicto mandò el galion mazor in Allexandria, cargo de ferri, cere, legnami et altre merchantie. Et qual, stando per alchuni mesi dopoi partito, che di lui non si sentiva cossa alchuna, fu murmurato el dicto esser stato preso da’ rodiani, ad instigatione et aviso de quelli da Sio; per la qual cossa el prefacto sanzacho prese in tanto odio quelli da Sio, che mai non manchò de usar ogni mezo a lui possibelle de rovinarli. Et prima, costui spazò uno ovlacho a quel passazo da Sio, il qual riteneva tute letere che per lì capitavano; et in oltra fece intender a Charedin da la schala da Constantinopoli, che ’l dovesse esser cerchado ciaschadun che passava da quel locho, se li havesseno letere. Et questo faceva, perchè l’avea dato ad intender al signor, che quelli da Sio erano sui ribelli, et che lui il faria vedere prestissimo. Et interim fu trovato una man de letere, per modo che tuti quelli che haveano danari trasseno fuor le soe, et contrachambiole con altretante finte a suo modo; et di loro, tre mischini furono impalladi, per modo che tute le nation si messeno in fuga, taliter che anchora ognuno trema di scriver letere. Manda li diti suoi navilli per tuti gli viazi che lui cognosse a suo profito, i qualli vano con tanta presteza et bona fortuna, che hè cossa incredibille. Et questo inverno passato, havendo mandato tuti diti tre soi navilli in chanal de Negroponte a chargar de formenti, trovorono una barza siota de circha bote IIII cento, la qual era caricha de formenti; et li turchi, che erano sopra il galion mazor, adimandorono al patron de la dita barza, chui li havesse dato licentia di carichar formenti in quel locho, et che gli dovesse mostrar il comandamento lui haveva di poter charichar. El qual non il possando mostrar, gli disseno che ’l dovesse andar con loro a la Porta; et montato che fu quello sopra el dicto galion, feceno subito vella con tuti 4 navilli. Et zonti che furono in Constantinopoli, el dito sanzacho mandò per il patron de la barza, et disseli: Tu vedi, che il tuo vivere et morir sta ne le mie mano, guarda quello che tu me vuoi dar se io ti scampo. Et convenessi con lui de darli ducati III mille, degli qualli se ne fece far stara di sua mano. Con la qual el prefacto sanzacho sì presto andò dal signor, et disse: Guarda quello che mi ha promesso questi tuoi ribelli da Sio. Et immediate fu comandato che fusseno impichati tuti; et cussì fu facto. I qualli forono da persone 34, impichati in dui lochi; et la nave rimase al dicto sanzacho. Et qualle al partir mio havea mandato el suo galion più grosso al viazo d’Alexandria, con homeni III cento suso, et bellissima artellaria, insieme con el galion menor et la nave fu Malipiera; tuti diti 3 legni di conserva, benissimo in ordene, charichi tuti di diverse marchantie. Del qual sanzacho non più mi extenderò, existimandomi di lui la serenità vostra esserne informatissima anchor per altri. Ma laudato Idio, che l’à largato da la persona del signor.