Copia de una letera, scrita per el signor turcho a la Signoria nostra, ricevuta a dì...
Sultan Bajasit, per la Dio gratia grande et potente imperador de l’Asia et Europa etc., a lo illustrissimo et excellentissimo et dignissimo doxe de la excellentissima Signoria de Venecia, domino Leonardo Lauredano, salute et la conveniente demonstration de benivolentia mandamo a a la excellentia vostra.
Siavi noto per lo presente, come, essendo tra nui bona amicitia et pace, et similiter sarà nel advenire, a caxon che a a la zornata la cresca, volente Dio non ne ha parso utile, nè conveniente che le galie, et altri nostri fusti, stiano in la Valona, per la amicitia et pace havemo fra de nui, et per questa caxon ha comandato el mio imperio, che le galie, et altri nostri fusti, qual sono a la Valona, siano conducti qui a Constantinopli, per il che l’è necessario, che vuj scriviate, per le terre e luogi vostri, dove haverano a passare i legni et fusti nostri, et commadiate, che amichevel et pacificamento li lassino, et vadino con li homini de la mia armata, et si qual cossa li serà de bisogno, per li suo’ danari li sia trovato, et non li sia facto cassa alcuma opposita a la nostra amicitia et pace.
Scripta in la pertinentia del luogo de Dercho, ne mexe de zugno, a di XXij. Et circa questo, nui mandemo el presente schiavo nostro, per nome Sinam, per referirlo a bocha a la excellentia vostra.