Depositiom di uno pedota vien da Modon, partì a dì 26.
Come la nave granda dil turcho feva aqua, la qual era sta remurchià im pocha aqua, e Carnali volea X galie. dicendo piglieria X nostre galie, e il capetanio non le ha volute dar, senza licentia dil signor. Item, esser morto il capetanio fu di l’armata, perchè era sta ferito, etiam il capetanio di gianizari, et par che trovono erano morti di l’ armata homeni 9000, el feva conzar l’ armata per ritornar in streto. El signor turcho, che era fra terra zornate ... di Lepanto, dovea andar in Andernopoli per divisiom di soi fioli, quali erano su le arme, e il signor dubitava el vincitor non venisse a sacomanar la casenda, zoè dove tiem il thesoro sì che era levato, paucis relictis a Lepanto, e va ivi. Item, come a dì 26, ditto pedota fo a Corfù, dove era il zeneral Grimani soto la loza col provedador Malipiero, et have letere di la Signoria; qual lete, mandò drio le galie dil trafego e Barbaria, havia licentiade; et che ’l baylo li disse: Vuj sè venuto a manzar qui a Corfù questo che resta. Unde, el si levò di loza per tornar al Zante. Et che ’l provedador Malipiero li disse : Non ve lo dissi, che ve intravegneria questo? e non lo credevi. Item, a Corom esser division, et in do parte.