Dil capetanio zeneral, sier Antonio Grimani.
Se intese come, avanti venisse a Corfù, havia fato experentia con galie e nave di expugnar la Cefalonia, el non potè far 0, et si levò di note senza trombeta; adeo ne rimase 90 su l' ìsola, quali fono impallati, et dicitur etiam, ne fo morti di nostri combatendo; et si partì. Et par, Olivier Morelo, soracomito di la galia di Corfù, si oferse, con 6 galie e una nave armada, tuor quella impresa; et fo ditto, havia expugnado el Castello con bombarde di la nave, e preso turchi erano in quello, el qual è grando come Corfù, ma più grasso; tamen non fo vero.