A dì 7 ditto. Fo pregadi per proveder a le cosse di la Patria di Friul, per il mal portamento dil Zanchani, e leto le letere, et quello havia fato turchi nel passar l' lzonzo. Et niun di colegio fo trovato metesse parte. Se non che li savij messeno, che sier Andrea Zanchani venisse de qui, et l'usse fato uno provedador in suo luogo el primo pregadi, et che sier Domenego Contarini, era a Sazil, andasse a Gradischa a far processo etc. Et sier Francesco Bolani, cao di 40, andò in renga, et disse, non meritava questo, et che lui fu fiol di Candiam Bolani, che li lassò solum ducati XV, perhò non voleva haver alcun rispetto. Messe a l' incontro, che ditto sier Andrea Zanchani si dovesse vegnir a presentar a le proxom,
et che per li avogadori fusse formato processo, e menato poi a questo conseio. E sier Piero Balbi, el cavalier, favelava su lo banche in favor dil Zanchani, suo cuxin, e rompeva el Bollani. Qual Udisse: Non zanzè su le banche, ma vegnì qui in renga, e fate che il conseio ve intenda. E il doxe have a dir: Costui è traditor di questo stado, a non haver defeso la Patria, nè pur mostrándose a l' inimico; el se voi punir in exempio de altri. Et fo ditto, turchi torneriano fin 8 zorni. Et sier Nadal Nadal etiam parloe. Et mandate le parte, quella di savij have 60, et dil cao di 40, 107; e fu presa. E la matina tutta la terra parlava dil Bolani, adeo che ’l primo conseio si fece tuor di la zonta, e rimase da molti vechij, erano stati za più anni di zonta e pregadi. Ergo etc.