Di Modom, di sier Nicolò da cha da Pexaro provedador di l’armada, do lettere di 14 april.

Come havia ricevuto stera 2000 formenti, zonti lì, tolti per bisogno di la terra; e manda lettere venute di Cypro con uno bregantin: avisa le nove di turchi, et che 15 milia erano a Seleffa.

Per l’altra lettera scrive: come hauto da sier Nicolò Marzello soracomito certe robe ut patet in aventario tolte a quelli da Fiume, et le mandava consignate a sier Andrea Zanchani orator nostro.