Da Corfù, di sier Antonio Moro baylo et capitanio nostro, di 4 et 5 octubrio.

Come havia mandà le lettere di la Signoria a Costantinopoli per do corier, uno di li qual, era stà morto in uno casal, è stà trovato sepulto soto certo ledame, l’altro havia esser stà retenuto a Costantinopoli, et il terzo havia expedito pur con lettere di la Signoria a sier Andrea Griti.

Item, mandava lettere di esso sier Andrea drizate a Zacharia di Freschi in zifra, come dirò di soto, qual fo poi leto il sumario sarà qui sotto scrito.