A dì ditto, fo poste (le galie) nel consejo di pregadi, licet per tempo oltra il consueto, le
qual se solevano metter a mezo april fin 15 mazo. Questo feno per dubito di l’armada
turchescha. Et messeno 4 galie al viazo di Baruto, et 4 al viazo di Alexandria. Et incantate le
galie justa il solito, fo electi capitanii a dì 22 dicto, a Baruto Cabriel Barbarigo, era stato
sopracomito, et in Alexandria Piero Lando. Et cussì anderano presto.