Item, fo scrito per colegio a tutti rectori nostri da mar, che dovesseno haver bona custodia,
et a Corfù che tenisse advisato continue se intendeva nulla di l’armata turchescha, et
al capitanio di le nave Andrea Loredan et al patron Daniel Pasqualigo, erano in Sicilia, li fo
scrito dovesseno venir in Levante. Et dicto proveditor, justa il decreto, montoe in galia; ma
non potè partir per li tempi cattivi fino a dì 16 di notte, che fo il venere venendo il sabado.
Et a dì ditto, nel consejo di pregadi, li fo dato la commissione chome dovesse andar a Corfù,
al qual li fo dato ducati 1000, acciò l’armasse de li gripi et altro, intendando altro etc.