Capitolo di una lettera di Alexandria de 14 lujo 1497,
scrita per Vetor Querini a Hironimo suo fratello,
et zonta in questa terra a dì ... setembrio.
Cercha a queste signorie dal Chajero, le cosse sta secondo el consueto. Tuti li signori
sono, parte con el diodar scampati, e parte scosi nel Chajero, che sono Chartabei zambellati,
Tinibech zumelli, Casom, che era de qui chorchomas de Chasom Chasumie. Non si sa la
certeza, sono tutti asentadi. El Chajero sono in tre parte: una con el signor soldan, l’altra
con el diodar, e la terza con li altri signori. Sono in molte controversie. Li schiavi de li signori
morti, con parte di zilebi, voria che el signor soldam vestisse uno suo barba diodar, el qual tien da questi signori, fradelo di sua madre. Non ha voluto consentir. Se hano messo
su le porte del castello; né volea lassar insir nisum signor di castello si non vestiva questo
suo barba diodar. Li fo dato per Temeres bone parole: dapoi el signor soldam non si à mai
dimostrato per non vestirlo, e Bulbacha Elmeziani, andando una matina a castelo, fo morto
da uno mamalucho; non si sa cui l’abia fato amazar. E questui era quello che consejava el
signor soldan. Fanno ogni zorno qualche danno. El diodar si atrova nel Saito. À retenuto
tute vituarie, né non pol vegnir biave al Chajero per modo, peroché li formenti valeno
ducati 2 la ribeba. Se le cosse starà cussì, monterano di ben in meglio. Si atrova con 1000
mamaluchi, arabi assai. Molte zanze se dice de lui; ma con verità nulla. È molto potente su
la campagna. Tuti zudega l’habia a vegnir a la volta del Chajero con zente assai, che non
credo. Si el vegnisse, se compiriano de ruinar del tuto: in tuto fariano gran tajata. Àsse de
la morte del signor di Damascho; zudegemo che vederano di mandar el diodar in quel
locho, e a questo modo se potria adatar le cosse. Tamen, non vedo modo che se possi adatar.
Questi signori scosi non si fidano de insir fuora. Ogni modo, farano qualche movesta avanti
le galie, e, per Dio! se un’altra volta se meterano le man nel sangue, che non pol esser
de mancho, farano sì gran frachasso che del tutto se ruinerano. Non vedo modo di adatar
le cosse, e li signori non si fida de li zilebbi, né li zilebbi de li signori.
[756] Dubitano che fazando altro soldam, sariano questi tutti morti. Vedo questo paese
destructo di queste signorie. Arabi sono su le arme; le strade rote da ogni banda; non dano
più hobedientia al signor soldam; né non scuode più intrade alle barie, e ultimamente sono
venuti fino a la Mattarea, cossa mai più sequita, ch’è mia ... dal Chajero. Se pur dieno far
cossa alcuna, saria a proposito per la muda se spazasseno presto, azioché le specie, che sono
in allor podesseno vegnir, maxime el piper del signor soldam. E, per Dio! si le cosse durerà a
questo modo, poteriano meter la muda a pericolo. Tamen, le cosse non à star a questo modo,
e convegnerano haver qualche fin. Idio fazi quello sarà per el meglio di cristiani.