In questa terra era pur alquanto di carestia di formenti, et le farine in fontego di comun,
a dì 18 avosto, valse l. 6 el ster. Or li proveditori a le biave cerchava, mediante li marchadi,
che non fusse questo anno carestia, et voleva far con alcuni spagniuli, videlicet Zuam Beltrame
et altri. Ma, non si volendo meter a priexy honesti, non parse al collegio che fosse
facto dicti marchadi. Et per via de Cicilia se intese, de lì esser qualche disturbo, fosse levà
le trate: che saria stato una pessima nova; ma non fu cussì. Ben par che quel vice re voleva
fosse li formenti comprati per una man, et questo fece per esser stà instigato da questi
marani spagnioli erano quivi. Unde, la Signoria nostra li scrisse lettere in bona forma, et
cussì l’orator yspano era in questa terra, siché non seguite altro, et li merchadanti nostri ne
comprava. La caxon che mosse la Signoria a non far altri merchadi, perché volevano l. 8 dil
ster, fo questa, con speranza che fusse averte le trate dil Turcho da le Scalosie che erano
serate, et el Sagudino era andato a Constantinopoli a dimandar la trata, per la qual via ne
farebe gran quantità di formenti al bisogno. Poi fo mandato alcune nave in Cypri a cargar
di formenti, donde se intendeva era grande abondantia. Tamen, in questo tempo, universalmente
le biave erano care, non perhò più di l’usato; ma Idio non voglia, che dubito
questo anno sarà gran carestia, per esser stà pochissimi megii in questa parte, per haver in
qualche parte tempestado et poi esser state gran secure, che fo cossa molto contraria ai
megii. In brexana, la soma valeva ducati 2, che non è memoria valesse tanto. A dì 24 avosto,
vene lettere di Spagna di ultimo lujo et primo avosto, molto fresche, venute in 23 zorni per
mar fino a Zenoa, perché per terra, licet [734] fusse trieva, non poteva vegnir corieri. Se
intese molte particularità, per le qual fo ordinate gran streteze. Tamen, la conclusione era,
che li oratori stati in coloquio a quelli confini di Franza con li oratori francesi, non erano in
alcuna difinitione o parlamento buono di adatamento, imo, che le cosse non erano in asetto,
et che si diceva che il roy haveva fato preparamento di ducati 400 milia per passar in Italia a
recuperar il suo regno, et che quasi la trieva era rota perché francesi haveva preso alcune
barze spagnarde.