El modo veramente di la audientia data a l’orator dil Turcho, fo a questo modo. A dì ...
lujo, la cesarea majestà fece vegnir esso orator ad alozar in una certa abatia propinqua a
una pianura, et esso re, andato a la caza et fati poner li cervi et altri animalli in loco dove
poteseno haver piacer, poi reduto con molti duchi et li oratori, zoè: el legato dil papa
concordiense, l’orator yspano, quel di Napoli, el nostro et el milanese, et venuto ivi in
campagna dicto orator, dove fu facto le acoglientie debite et subito fato corer dicti cervi,
tutti comenzono a cazar, et l’orator preditto ne amazò uno con uno dardo a la turchescha.
Poi, in mezo di dicta pianura, fatto preparar alcuni pavioni dove el re in uno disnoe, in altro
tutti li oratori, et nel terzo li duchi, et dapoi disnar fo preparato di dar l’audientia a
dicto orator, dove era li oratori etiam di la liga. El qual expose quanto dal suo Signor li era
stà comesso etc. come di questa audientia apar per la copia di una lettera qui soto posta.