Copia de lettere de Syo, date a dì 5 marzo 1497.
Per lettere de Pera, son avisato el Signor turcho a dì 31 de marzo, venere dopo l’oration,
ha desmesso Daut bassà, el mazor de tutti i bassà de la Porta, e la caxon non se intende.
Halo mandato a star al suo timari al Denarcho presso Adrinopoli, con provisione de aspri
300 milia a l’ano, senza haver obligo di andar in campo. Se dice ha mandà a [625] chiamar
Scander bassà, zoè quello era bassà in prima, et etiam Misich bassà. Tamen, fin qui altro non
s’è hauto. Camalì se trova a la Porta con provision de aspri 20 al dì, et patron de una de le 2
nave grosse fa far el Signor, la qual sarà questo zugno in aqua. L’altro corsaro Erichi, è con
provision de aspri 15 e patron di una galeaza grossa de le tre.
È da saper, chome questo Daut bassà era amicissimo di la nation nostra et homo molto
pacificho, la qual casatione ne sarà di danno.