Da Turin, dil passar di le 7 compagnie verso Italia per el Delfinado. Come il Traulzi
havia fato instantia al signor Constantin Arniti li dagi passo e vituarie e acetar el colar regio,
ch’è certo segno de obedientia. E tutto si faceva per Zenoa, et che ’l ducha di Savoia et
il marchexe di Monferà havia bona mente a la quiete de Italia; ma domino Baptistino Fregoso
solicitava per le cosse di Zenoa. È da saper, che, publicato la comission di Andrea
Zanchani a li oratori di la liga, a quelli non piazete la forma, unde fo deliberà de rechieder
ai preditti che i responda a duo cosse. Primo, farne certi che turchi non torà quel locho;
secondo, che i ditti tarentini saranno tolti a gratia dal re, perché niun non volevano che, per
haver dicti tarentini tenuti in tempo, incoresseno in qualche gravissimo pericolo e dil loco
e di le persone lhoro, con justification di le operatione nostre tutte directe a bon fin etc.