A dì 6 ditto, per uno gripo venuto di Candia, come Piero Contarini patron di la bargeta
armada a dì 9 avosto, la qual acompagnava le nave in Sorya, essendo sora Cerigo insieme
con el schieraza di sier Antonio da Ponte che andava in Candia, vedendo di la longa una
nave, quella incalzò et rezonse, e non volse callar. Tandem, investidi se incadenarono e si
bombardarono, morto 4 homeni di nostri e alcuni di dita nave. Tandem, fato trieva, conobbe
quella esser de zenoesi, carga di grani che andava in Barbaria con uno turco mercadante.
Et genoesi, conosuto questa esser barza de’ venetiani chiamosi in colpa, excusandosi
non l’aver conosuta, ché haveriano callato.