Noto. Questa matina vidi in la sala di Pregadi una bella cossa; uno scachier grando bellissimo in tondo et alto lavorado d' arzento et d'oro con calzedonie, diaspri et altre zoie, et li scachi di crestallo finissimo, fo di sier Jacomo Loredan qu. sier Piero da Santa Maria Formon, qual dete in dota a do sue fìe maridate in sier Christofal el sier Marco Donado qu. sier Andrea da San Polo. Il qual fo portado perchè sier Piero Lando suo barba lo volse monstrar al Serenissimo et al Collegio si volevano comprar per mandarlo a donar al Signor turco con sier Marco Minio va orator a Costantinopoli, qual fu fatto per mondarlo a vender al Soldan Gauri. Et dimandano di questo ducati 5000.