Copia di lettere scritte al clarissimo rezimento di Candia per domino Daniel Moro rector in Soria.
Magnifici et clarissimi tamquam patres honorandi.
Heri sera, per una barca, scrissi a vostre magnificentie dil zonzer de uno Marco Antonio Ferrera zonse heri, qual è padre de maistro Jacomo spicier de li, insieme con alcuni altri partiti da Rodi zà fa zorni 19, quali portano come Achmath bassa al Cayro se ha sublevato et factose signor; et è stà taiato a pezi Charamussà bassà che andava a dar Mimbio a ditto Achmeth bassà, lo agà di janizari, lo capitanio de li spachides, et tutti quelli non erano con lui. Poi el dicto Achmeth bassà per forza intrò in Alexandria et li contrarii introrono in lo Farion, poi se levorono de li con quelli navilii erano li, parte andorono a la volta de Satalia et parte a la volta de Rodi. Et che a Rodi armano 4 over 5 navilii, sopra i quali erano janizari turchi et mori. Hozi a hore 20 è zonto qui lo galion de missier Andrea Corner, patron uno Jam Gripari. Quelli d' esso navilio affirmano tal nove, e che Achmath bassà è facto signorde tutto lo Egipto. Et ditto galion atrovandose in la fiumara fu asaltado da quelli signori turchi erano al Cayro, ma non poteno haverlo, dove tolseno lo patron et pedota de esso navilio et la barca di quelo et andarono per costa a la volta de Baruto. Mi haparso tal nove notifìcar a vostre magnificentie per messo a posta.
Datae Sitiae, die 11 Marcii 1524.