A dì 7. La matina vene l’orator dil Turcho in Colegio, vestito di casacha di veludo cremexin alto e basso e di solo raso cremexin, al qual fo dà le veste solite et vestito li soi di scarlato, li fo donato li ducati 300 d’oro e datoli la letera va al Signor turcho in risposta di soe, et tolse licentia; el qual partì a dì . . . . dito per Ragusi. Vene in Colegio acompagnato da alcuni zentilhomenì, tra li qual sier Zacaria di Prioli fradello dil Baylo nostro.