Di Hongaria, di sier Lorenzo Orio dotor, orator nostro, date a Buda a di primo Decembrio.

Come la incoronation de la serenissima Rezina, che si dovea far el di de Santo Andrea passato, era stà remessa a farla el zorno di la Madona, a di 8 di questo, et poi il consumar dil matrimonio a la Epiphania proxima.

Item, come è gran inimicitia tra el Conte Palatino el . . . , perchè quelle cosse dil regno va mal; poi li prelati in gran confusion tra loro: che tien, se dal Papa e altri principi christiani quel regno non vien ajutato, indubitatamente si perderà. Scrive come l'exercito turchesco, era a quelli confini, è partito, et che il Vayvoda transilvano era tornato a la devution di quel Re.