Fu posto, per tutti li Savii, mandato fuora di Pregadi per mio aricordo, justa le leze, sier Marco Minio va orator al Turco, la sua commission molto longa, videlicet si aliegri col Signor di esser sucesso in loco dil padre e di la vitoria dil Gazelli; confermi la paxe con li capitoli havemo e azonzi quello li parerà per beneficio di nostri subditi et di le cose nostre; e se li fusse parli di corsari, videlicet di le fuste, rispondi justa la instrution dil Baylo, vedi recuperar li presoni a' Caramamuth corsaro, et otegni non si dagi recapito a' corsari in li lochi dil Signor turco, come faremo etiam nui. Meni con si per segurtà fin a boca di Streto, oltra le do galie, altre galle come li parerà, fazi restar de li a la boca et lui vadi con una galia; e se 'I Signor fusse in campo, non vadi si da esso Signor non sarà forzato, fenzando esser amalato; si 'I fosse in Bursa vadi, e si 'I fosse in Andernopoli dismonti a Eno. Se li achadesse comprar cavalchadure, vadi a conto di la Signoria nostra. Fazi li presenti al Signor, bassà e altri; con afectuose parole otegni capitoli confirmation per li mercadanti nostri di Soria et Egypto.
Item, il capitolo non si toy testimonii turchi a' danni fati per turchi a' nostri, come voriano et ne scrive el Baylo; con altre clausule, ut in ea. Et se li dà, per spexe, ducati 900 per 6 mexi a ducati 150 al mexe; non mostri conto.
Et perchè l'è stà electo ducha di Candia, partito de li vadi al suo rezimento, scrivendo il tutto di la sua relation; et il suo secretario Constantio Cavaza, ben instructo, ritorni di qui, ut in parte. Ave 4 di 110, fu presa. Li fo etiam comesso di confini di Napoli di Romania, e vien con lui uno, orator di quella comunità venuto a la Signoria nostra per quello.