Dil dito, pur di 19, in zifra.
Come la materia di le 4 fuste di Coron è expedita ad vota e tutto quietato, benchè il schiavo andato in Barbaria fece gran strepito; et zonto sarà I' Orator, tutto sarà quieto. Ben è vero di le robe voteno saria bon la Signoria scrivesse al Signor quello si 'uto sia dato, e cussi quello si troverà darano; qual letera valerà assai. Scrive, il schiavo vol li soi ducati 500 promessi. Le galie si va conzando al solito, come si fa di altri anni. Si dice il Signor passerà su la Natolia, si la cossa di Hongaria non lo tegnisse; et di le cosse dil Sophi nulla si parla. Scrive, Caramomuth à fato molti presenti a li bassà e datoli parte di la preda. Lui Baylo si ha dolesto molto; li hanno risposto non podemo far altramente. E lui Baylo ha dito, è soa vergogna a scriver si perseguita dito corsaro, poi perdonarli. Li risposeno lo dovevi far alora. Sichè conclude, li schiavi non si poi aver. Voleva di questo dar uno arz al Signor, li bassà non hanno voluto lo dagi e mandarlo per altra via, non li à parso per non si degnar essi bassà; per il che esso Baylo à 'uto gran passion etc.