Fu posto, per sier Antonio Grimani procurator, sier Lunardo Mocenigo, sier Alvise di Prioli, sier Piero Lando savii dil Consejo e li Savii a li ordeni, expedir sier Marco Minio va orator al Signor turco, e per il Colegio sia dà libertà di comprar li presenti a chi parerà, come fo mandati quando andò sier Antonio Justinian dotor, orator al qu. padre di questo Signor a la sua congratulation; et hessendo più numero di bassà, sia cressuto più il presente ut in parte.