Fu posto, per li Savi dii Consejo e Terra ferma, riformar la letera fu presa scriver al Baylo di Constantinopoli, et maxime a quanto richiede Peri bassà di meter uno homo per galia loro su le nostre et nostri su le sue; et per una letera a parte dicono la execution fu presa, videlicet non ne par per non dar sospetto a li signori cristiani. Et sier Andrea Trivixan el cavalier savio dil Consejo andò in renga et parlò in favor di la letera, concludendo se dia creder al consejo di vechi e non di zoveni. Et sier Marin Justinian savio ai ordeni, li rispose laudando quello è stà preso, et non questo mette i Savi, et venuto zoso, li Savi ai ordeni messeno star sul preso. Unde io Mario Sanudo mi parse parlar, et parlai contra una altra opinion danando la parte di Savi; ma quella di Savi ai ordeni mancava, videlicet risponder la causa di non meter l'homo per galia i qual è per non dar che dir a li principi del mondo che non semo in quella bona paxe insieme, et che se difidemo uno di l'altro, et scriver che presto sarà li l' Orator electo a Soa Maestà. Ma li Savi ai ordeni non li parse azonzer e preseno la sua opinion. Andò le parte, 3 non sincere, 4 di no, di Savi ai ordeni 50, di Savi 140 et questa fu presa.