Fo leto la letera di di ambasador dil Turco. Serive a la Signoria con boni modi, et avisa aver ricevuto le fuste et parte di le robe e danari; ma prega il Doxe fazi restituir il resto, et avisa che l ' ha inquirido il caso sequìto e fo causa li soi di Coron, et che 'I spera le cosse si conzerà zonto el sia a la Porta. Prega Idio doni vita longa al Doxe fio al di del judicio, et saluta sier Andrea Griti et missier Nicolò Aurelio, et chi lezerà la presente letera, la qual è data a la Valona. La copia di la qual potendola aver noterò qui avanti.