Fu posto, per li Savii tutti di Colegio, una letera al serenissimo Signor Turcho, in risposta di la soa portata per Amet suo ambasador, laudandolo molto; et quanto a voler conservar la paxe, semo di questo instesso animo, e per questa letera la aprovemo, come era per il qu. Serenissimo suo padre, el manderemo l'orator nostro a Soa Maestà, Marco Minio etc. La qual letera fo fata per Zuan Batista di Vielmi; la copia di la qual forsi sarà posta qui avanti. Da mo' sia preso, che 'I sia donà al dito orator ducati 500 venetiani, e il Colegio possi spender in veste el spexe per lui fino ducati 400.

Fu posto etiam, per li diti, una letera al Baylo nostro di Constantinopoli in risposta di sue, con notificarli dil zonzer di l'ambosador con la letera dil Gran Signor, al qual se li risponde e se li manda la copia per sua instruzion, el qual ambasador nulla à dito di le fuste, laudando molto esso orator. E che per letere di la Signoria nostra e dil Provedador di l'armata, esso Baylo ara inteso il successo di le fuste, e lo justifìcation nostre, qual con quelli magnifici bassà tenimo ara fato, e li manderemo la copia di una letera scrita per lo chadi et emin di Coron al Provedador dil Zante, con la risposta, per la qual si vede lo eror processo esser stà da quelli di le fuste etc. Andò dite letere e deliberation dil presente 0,0, 194.