Dil dito, di 19, Come, mo' terzo zorno ricevete nostre di . . . . con avisi dil Signor turco.
Eri fo dal Re e li comunicò quanto I' havia. Soa Maestà ringratia, dicendo sempre lui faria il simile, et cossi a hore ... poi di pranso, Soa Maestà mandò per esso orator dicendoli in quel momento aver auto nove vere et infalibel che il Signor turco era morto di peste nel loco dove fu il conflito col padre; e che dita morte era stà tenuta oculta e saria gran dificultà tra el fiol dil Signor et uno altro cristian renegato dil dominio: dicendo debi scriver bona nova a la Signoria, perchè succederia persona non daria molestia nì a Soa Maestà, nì a cristiani. Per il che, esso Orator ringratiò di tal aviso e promesse spazarla subito, et cussi èxpedisse il presente nontio a posta. Li oratori e zentilhomeni parténo tuttavia de lì e il Re partirà doman per Buda, dove etiam lui seguirà Soe Maestà.