Da poi disnar fo Pregadi, et tolto il scurtinio di do savii a Terra ferma mancava, tolti numero .... et niun passoe. Fo fato orator in Hongaria sier Lorenzo Orio el dotor l'avogador, qu. sier Polo; i qual scurtini sarano qui avanti posti.
Fu posto, per li Savii loro, che havendosi a far scurtinio di uno ambasador in Hongaria, possi esser eleto di ogni luogo e oficio, ut in parte. Fu presa. Ave tutto il Consejo. Questa parte fu messa per sier Lorenzo Orio dotor, avogador, et sier Zuan Antonio Venier, è ai X ofìcii, aziò possino esser balotati.