Dil dito rezimento, di 30 dito.
Come, a dì 22 le galie di Baruto arivono in Famagosta. Scrive la nova auta dil naufragio di la galia Magna di Alexandria, qual per fortuna molò aqua e si aperse in tre parte, e in una barcha zonta a l’ìxola su la qual montono 83 homeni, videlicet il patron, sier Nicolò Bragadin andava consolo in Alexandria ; di qual ne peri 30, il resto zonti miraculose a l'isola. E oltrà questi do, è scapolà do nobeli, il Soranzo di la Madona di Miracoli et uno Badoer; il resto di homeni erano su dite barche, stati 8 in 9 dì in mar, è morti da fredo et fame. La causa di questo naufragio, perchè la galia era marza.