Di sier Andrea Arimondo consolo a Da­masco, date a Damasco a dì 4 Octubrio.

Come, a di 26 Septembrio, venuto il Signor turco col suo esercito de lì, il castello si rese a dì 28. Lui consolo visitò li tre bassà, el poi zonto, tutto il campo alozato mia 5 lontan de la tera. A dì 29 esso consolo andò a visitation dil Signor turco, al qual portò li presenti per valuta di ducati 1500. Soa excelentia era soto uno pavion in modo di tre pavioni, in l’ultimo dil qual era esso Signor sentato su una chariega, vestito di ......... d’oro negro. E introduto esso consolo lì da li bassà, andò a basarli tre volte la man, nè altro disse, perchè cussi si consueta di far, et si convien parlar a li bassà; nè altro scrive per questa.