Da Constantinopoli, di sier Lunardo Bembo baylo nostro, fo letere di 28 Novembrio.

Nula da conto, solum richiami fati a quel bassà per turchi di danni fatili, sicome in ditte lettere si contien. li sumario di le qual scriverò, lete le sarano in Pregadi. Et in soi fradelli erano letere di 13 Dezembrio: come il Signor havia mandato ordene di armar le galie, et erano 10 preparate con feri e altro per andar a Tenedo a trovar un'altra armada, et di questa par volesse che Curtogoli corsaro e un altro corsaro vi fusseno, et si dice vanno in Soria.