Di Hongaria, di sier Alvixe Bon el dolor orator nostro, datè a Buda, a dì 24 Dezembrio
Come ricevete nostre di 25 Octubrio, con le nove dil Turco, unde fu dal Re e li comunicò tal nove. Mostrò aver gran piacer, dicendo averle intese', ma non cossi copiose. E il reverendo Vaciense thesaurario li rispose, pregandolo scrivesse a la Signoria lo avisasse spesso di tal nove. El perchè il reverendissimo cardenal Strigoniense era a Strigonia, deliberò dito orator di andar fino Il; et andato, lo vele volentieri, facendoli grande honor, et presentatoli le letere di credenza, li comunicoe le nove ut supra. Ringratiò molto la Signoria, dicendo sempre è sta bon amico di quel excelentissimo Stado. Poi li disse il Papa averlo fato legato in Hongaria, zoè confirmà la legatione; qual intese esso Orator, era per due ani ancora. Item scrive, la Dieta si dovea far a Burla questo San Michiel, è stà messo a farla questo San Zorzi. Item, tartari e moscoviti, quali per le sue di sette Octubrio ha aviso erano stà seradi da' poloni, par siano evasi et tornati a casa loro con la preda fata, et menato via più di anime 20 mila.