Fu posto, per tutti li Savii, una letera a sier Sebastian Moro provedador di l'armada, come, per letere dil Baylo nostro di Costantinopoli, la copia di le qual se li manda, per le qual el vederà li lamenti fati per subditi dil Signor turcho di danni fati per nostri subditi, perchè volemo debbi veder, e trovando la verità, punir talmente quelli che non siano causa de romper la bona paxe havemo col Signor turcho; et quanto al dano fato per quelli di la Fraschia, si scrive al rezimento di Candia, che forsi lui non anderà de lì, e andando, unitamente debino inquirir e castigar etc., et dil succeso avisi il Baylo predito e la Signoria nostra ut in litteris. Et fu presa. Ave tutto il Consejo.