A tergo: Magnifico domino Petro Mauroceno domino meo observandissimo.
Laus Deo
1516, a di 5 Septembrio in Aleppo.
A dì 20 Agosto, el signor Soldan con tutte le Signorie cavalchorono a trovar el Signor turco dove l'Azebo da Tripoli, intendando cussi, se deliberò con 4 schiavi de andarli driedo. Pertanto, quel dicto Azebo se parti de qui Venere da poi . . . et nui tutti stessemo cussì aspetar quanto seguiva. Dove la Domenega che fu a dì 24, da poi mezo zorno, vene nove come el Signor turco aveva comenzato el fato d'arme, che li nostri ge era de soto. Le nove non vene crete, quando de li a hore do, vene una frotta de famegli de schiavi et zente assae, come el campo è roto. Da poi altre hore do, et vene molti schiavi scampando, et tuta quella note questa terra andò in ruina, con tanti cridi et paura che mai se provò tal affano. Quando fu la matina, havessemo al certo come el Signor turcho aveva roto el campo nostro, et questi nostri, quando veleno ad sbarar le artelarie, tutti se messeno in fuga, per tanto che furono roti. Dove Luni da matina et Signor de questo loco, et castelan, el fio del Soldan,se partì cum tutti gli schiavi se trovava, et andò via de li. A hore do el vene uno trombeta, et cridò per la terra che niun fesse rumori; dove la terra fu data al dito Signor, e per zorni do andò metando le case a sacho et amazando li sbisadi. Da poi el vene el Signor Turcho de fora al Midan, el Mercore, et mandò dentro la terra do bassà,, et hanno serato le porte de la terra, salvo porte 3, a le qual porte non lassando far dispiacer ad alcuno; ben è vero è intra tanta zente del turco, compra e vende et non dormino in la terra. Da poi el Signor vene Venere a saludar ne la terra. Luni vene al bagno in la terra; el qual bagno son per mezo case de franchi, dove franchi li distese cavezi dui raso solo li piedi del cavalo e davanti. Ancora, zonto li do bassà ne la terra, subito mandò cride atorno che chi aveva robe de schiavi in salvo e cavalli li desseno fuora, sotto pena de la forca; talchè gli è stà portata tante robe el tanti danari che non se pol estimar, et ogni zorno è a questo modo. In castello hanno trovà cantara 80 de moneta batuta, sarafi d'oro 800 milia, senza tante robe da vestir, selle d'oro et d' arzento, che par cose da non creder; sichè le cosse passano a questo modo. Da poi, zà zorni 4, el signor di Alepo ti venuto de qui con schiavi 150 soi e asse presentà, et hanno dato presente al Signor turco tra fese, lisari et pani de seda, per ducati 3000. Li ha fato el Signor molto bona ciera et per questo se dise ma pochi intendeno el vero, li ha promesso farlo Soldan nel Cajero.Appresso, a' nostri franchi li è stato tolto le sue case per il miriachar del Signor turco. De morti, prima è stà quel can dil Soldan, e poi I' armirajo grando, el signor di Damasco, I' Azebo de Tripoli, presi el fio del soldan cerchasso, casandar dil signor d' Alepo, el signor de Safetto e molte altre Signorie. Questo sumario è tratto da do letere di Alepo de cose de novo.