Copia de una letera di sier Andrea Morexini di sier Batista, data in Alepo a dì 10 Avosto 1516, drizata a sier Carlo Morexini suo fratello, ricevuta in questa terra a dì 23 Octubrio, per la nave patron Polo Biancho.
A dì 6 dil passato fo l'ultima mia, per la qual fo dito di le occurentie de qui al bisogno, el quanto fin quel zorno era successo. Da poi seguite la intrada dil serenissimo signor Soldan, molto men pomposa di quel si judicava. Da poi doi zorni, fo conduto a la sua presentia l'ambassador dil Signor turco, per lo qual più parte si comprendeva pezo che altramente;et el caso è che tulio era arte, et solum per tardar questo signor Soldan de exequir per avanti. El signor Sophì, molto grosso, si havea firmato a la volta di Tauris, temendo de non esser da queste due potentie dissipato. El Signor turco, ne l'intervallo de li suo ambasadori si ha fato propinquo, adeo che I'à preso tutti li lochi de questo signor Sophì, over il forzo che sono a confini, tal che ogni zorno fuze qualche uno di quelle signorie con poco honor. Fo maudado come uno araldo per questo Soldan, e poi lizentiato l'ambasador dil Signor turco zà zorni 10, non si po' haver nova alcuna, salvo che continuo si aferma lui farsi pui vizino, e zà molte di le soe zente è callate li monti. Questo signor Soldan non si move et li vuol condur in campagna per far la zornata; e in questo mezo manda a chiamar el solizita grande adunazion de zente et fa gran pedoni. Farà grande exercito, et senza dubio sarà poco men de 150 mila persone, si tutte zonzeno in campo. Ozi è zonto nove, per alcuni exploratori, come el signor Sophì si ha trovà zorni 10 luntan di qui con tre stendardi da persone 20 milia per uno, et si move pegramete per ingrossar el suo campo a la zornata. Fo etiam mandato uno honorato ambasador per questo signor Sofi al Signor turco, el qual ozi da meza strada è ritornato per haver inteso el campo nemico farsi vizino. Non paserà questo mese che si vederà la resoluzion de queste cose; nè se fa judizio come el Signor turco possi substentar queste duo potentie:vedremo gran cose. Ozi el signor Soldan ha investido el fiol primogenito del qu. signor Aliduli de la signorìa del padre; el qual oferse 30 mila persone a suo soldo per recuperar el Stado del padre el zà è partido. Per mio judizio, avanti la fine di questo mese si vederà fazende, però che questi vol far uno solo colpo in uno zorno ; vedeno la furia.
Da poi disnar el Signor soldan dà paga, et poi Luni si tirerano avanti. El signor di questo loco da poi doman si parte insieme con el signor de Damasco, per esser l'uno el l'altro primi feridori del campo. Fino zorni 8 in 10 daroti più certo aviso de quanto seguirà; et si la cosa siegue come si judica,che queste due potentie siano a danni dil Turco, non penso le poterà substegnir, et converà tornar a suo luogo con poco honor. Le cose de la marchadantia farano gran ben, et questo sarà l'anno di la ventura. A tutti molto mi recomando ct oferisco. Idio con ti farà come a li amizi.