Poi sier Domenego Trivixan el cavalier electo orator al Turco, andò in renga excusandusi non poter servir per la età di anni 73 et impotentia, come ha fato zà anni 31 in diverse legation in mar e in terra; ma al presente non pol più, è vechio, à dolori di fianco, a le volte poi certo dolor di tesla etc., concludendo, per niun modo pol servir, come per il passati., ha fato, et toriano mille bandi, pregando quasi in zenochioni fusse acetà la soa scusa, e darli la carta dil ben servir di anni 31 stato in tante legation etc ; sichè fe' commuover il Consejo a non mandarlo contra sua voja.
Poi sier Leonardo Mocenigo fe il simile, dicendo la impotentia sua; à anni 72, non mai stato in mar si non fino a Zara contra missier Piero Mozenigo so' barba tornò capitanio zeneral stato in Boiana, qual andò con sier Tomà Mozenigo so cuxin; poi non è sta fuora si non a balotar; demun non poi far fatica, morirà in viazo avendo tremor di gambe quando il cavalcha, suplicanùo etiam di lui sia acetà la scusa.
Fu posto, per li Consieri, excepto sier Nicolò Trivixan cazado, li XL, li Savii dii Consejo e Terra ferma, excepto sier Anzolo Trivixan et sier Zuan Trivisan si cazano, di acetar la scusa di sier Domenego Trivixan el chavalier procurator et sier Lunardo Mozenigo, per le raxon intese per loro. Et cazadi li so parenti, fo presa: ave 31 di no, 141 de si. Et fo ordinato poi si andasse a far boletini per far oratori al Signor turco in loco de li sopraditi, la scusa di qual è stà acetada.