Di Candia, di sier Marco Orio ducha e sier Antonio Zustignan dotor capitanio, di 21Setembre. Come, a dì 3, gripi 4. et una ... veniva di Candia in questa terra partino, capitano di qual era sier Marin Falier, et in le aque di Caomalio trovoe Curtogoli corsaro con do galie et 7 fuste, con uno compagno nominato .... et fono a le man, prese uno gripo, l'altro fuzite, l'altro dete in terra a Cerigo, e li homeni scapolò ma la roba fo per dito corsaro tolta, et presa la .... con et dito sier Marin e altri. Poi trovò una caravela el uno galion pur di nostri, el scrive il combater fece ut in litteris; hora li presoni, parte fo morti, ad altri datoli taja, tra li qual sier Mario Falier si tolse taja ducati 3000. El cussi, a dì 15, dito corsaro vene a la Fraschia a sorzer, el prese barche di pescaori di Retimo e la Cania, et mandono in terra a dimandar il rescato, unde essi Rectori, vedendo il corsaro sì propinquo et non poter farli danno, se dolevano assae per non aver de lì alcuna galia, unde loro rectori andono fino al muoto dove erano 4 nave grosse el una biscaina, e tanto feno che fono contente ussir fuora. Et era etiam la nave Simitecola, ha conduto esso Ducha de lì, el subito le armono, fato 500 homeni de li, et ussite la Simitecola, e le altre poi a hore 5; ma per esser gran nave stentono, ita che il corsaro zà era partido, havendo però essi Rectori fato prima provision a le marine, et scrito per l'ixola etc. El, per lettere di 27 Septembrio di Setia, hanno, a di 16, dito corsaro dete l'incalzo fino in porto a una nave de .... era de lì, ma nulla potè far. Si doleno essi Rectori non haver galie de lì; 6 sono in armada, el 2 è lì mal conditionale.