Di Ragusi, di Jacomo di Zulian, di 28 Settembre,drizate a Nicolò Àurelio, et fo lete in Colegio et in Pregadi.

Come in quelli zorni era venuto uno messo de lì dil signor sultan Suliman fiol dil Signor turcho, da Costantinopoli, con letere a quel rezimento sigilate di so bolo. A visa l'Imperador so' padre, a dì 27 Avosto, fo a le man con el campo dil signor Soldan in la campagna di Alepo et quello aver roto, et fuzendo, il Soldan era stà preso da quelli de Romania el tajà la testa. Pertanto li scrive si fazi fochi e segno di alegreza; e cussi de qui è stà fato et fassi a questi confìni di Albania fochi etc. per alegreza.