Zonse nove di Soria, per la nave patron Polo Biancho, vien di Cypro, con gotoni et filadi, qual è zonta ...... Et el scrivan vene in tera, et portò le letere in Colegio, qual è di grandissima importantia, il sumario di le qual scriverò qui solo, videlicet di la rota ha dato el signor Turcho al Soldan, el di la morte di esso Soldan e altre gran nove, qual tutta la terra fo piena.

Et Colegio stete fino hore do de note suso a consultar, e terminono far doman oratori al Signor turcho alegrandosi de tal vitoria etc.