Da poi disnar, fo Pregadi potissimum per lezer lettere, et fo letto le lettere soprascritte; ma da Constantinopoli non fo letto lettere che 'I Signor fazi exercito, perchè le fo lette nel Consejo di X con la Zonta, e terminato non le lezer in Pregadi acciò non si sapesse, e il Turco licentiasse sier Piero Zen orator nostro dicendoli: “Tu scrivi cosse di Stado, etc.”

Fo letto una lettera de Embraim bassà, data in Constantinopoli. Scrive al Doxe alegrandosi che per la sua bona fama è stà fatto Doxe, e dimanda li fazi comprar in tutto 28 caxache di seda e di altre sorte, che darà il costo, ut in litteris.