In questo Pregadi fo leto le lettere sopranominate, et di più di Cypro di sier Domenego Capello  luogotenente, sier Piero Venier et sier Domenego da Mosto consieri di . . .

Come era venuto uno torco de lì per nome dil Signor a comprar zucari cantera 150, el haver il tributo in tanti zucari, et questo per le noze de Embrain bassà; al qual hanno fato bona ciera, nè li hanno potuto dar salvo cantera 22. Et aspettavano li zucari dil Colosso per darli etiam.

Item, come, parlando col ditto hanno inteso da lui, che questo anno che vien certo il Signor torà impresa contra christiani.