Di Constantinopoli, di sier Piero Zen orator nostro, fo letere, di 29 Novembrio.

Come el Signor turcho havia fato paxe col Sophi, e li oratori del Sophi e dil signor . . . . . erano stà introducti da li bassà davanti el Signor, al qual haveano presentà li presenti, videlicet uno cavatto  con fornimenti bellissimo, con zoie, veste d' oro et . . . . . Et che andono a disnar con Embrai bassà.

Item, che Curtogoli era partito con . . . . . . . . . . per andar a Rodi, havia promesso a I' Orator far bona compagnia a li nostri navilii passerano de li via. Et havia donà una sua caxa in Constantinopoli a la marina, val ducati 1500, a Ferat bassà, el qual li mandò ducati 1300 per dita caxa e lui ge li rimandò e non li volse.

Item, che li capitoli di la paxe dil Sophi e il Signor non se intende. et che il Signor ha ordinà cussì, come teniva 8000 janizari, ne vuol haver 15 milia.

Item, fa buttar artellarie longe et sotil; ch' è signal vuol tuor impresa da terra, come si iudica, contra I' Hongaria.

Item, fa far assà farine.