Da Constantinopoli, fo lettere di sier Piero Zen orator nostro, di 27 Octubrio le ultime, venute con uno brigantin over barcha picola da Ragusi; il sumario è questo.

Come de lì non si fa preparation alcuna di armata et mancho di exercito per Hongaria, e il Signor atende a darsi piacer et preparar di far gran feste per circoncider suo fiol, qual voi circoncider suo in Andernopoli, el fa zostre, bagordi etc. el mette precii . . . . .

Item, tuò Aias bassà per compare, et lui Signor sarà compare di ditto bassà et a chi li portò Ia nova Aias; videlicet di esser compare, li donò ducati 800, et prepara uno presente al Signor di ducati 10 milia.

ltem, ch’ el Embrain etiam questo Mazo menerà la moglie, la qual è fìa di una fia fo moier di Charzego bassà, fo cugnà di so' avo.

Item, come Mustaphà bassà era al Cayro è zonto lì a Constantinopoli, in loco dil qual andò Achmeth bassà. Et è sentato secundo visier, Embrain primo, Mustaphà secondo, Aias terzo.

ltem, come li bassà li ha ditto a esso Orator solicitando il Baylo vengi presto, e dil partir la galìa nostra era lì, Soracomito Gabriel da Brunà per Corfù, a dì 18 Octubrio.

Item, come li bassà li ha ditto el Signor voria che la Signoria mandasse uno Consolo over Baylo a Rhodi e far merchadantie di lì come prima, el mandava Curtogoli con 6 galìe, el qual sarà al governo di Rhodi. Qual inteso, esso Orator parlò a li bassà, dicendo, mandando el signor Curtogoli a Rhodi, qual è stà sempre corsaro e fio di corsaro, seguirà qualche inconveniente contrario a la bona paxe volemo mantenir con il Signor; et che Mustaphà bassà li disse che manderia esso Curtogoli a parlarli a caxa. Item, scrive che Mustaphà a dato al Signor presenti portati dal Cayro, 200 schiavi cargi. (274) Item, che Mustaphà li ha richiesto do veste di scarlato di certa sorte di panno a suo modo.

Item, Enbrain, scarlato alto braza ... per farsi una caxacha, qual voi sia tutto di un pezo senza zonte.

Item, come l' orator dil Sophi e I' orator de . . . . .  haveano auto audientia dil Signor; el qual Signor li ha ditto, volendo la paxe con lui, voi ch’ el Sophi li dagi Bagaded ch’ è una gran terra in la Persia; i qual oratori hanno tolto tempo di scriverli et il Signor li ha fati star con più largeza che prima.