Da Roma, di l' Orator nostro, di primo.

Come il Pontefìce havia concesso a la Signoria per le presente occorentie potesse scuoder do decime al clero, e come l'era contento che 'I duca di Urbin venisse a servir la Signoria per Governador di le zente; ma, prima facie, a requisition del duca di Sessa ne voleva dar per governador el marchexe di Peschara, alegando che 'I duca de Urbin era francese; et instando l'Orator nostro, che la Signoria havia electo il duca de Urbin e non il ditto Marchexe, li cardinal de Medici afirmò al Papa, esso Duca non esser francese, ma bon italiano, unde il Papa fo contento di dar licentia che 'I vengi; et qual fin 3 zorni sarà in questa terra

Item, del zonzer li a Roma el Gran Maistro di Rodi, alogiato in palazo dil Papa, et che lì a Roma fevano conto che 'I duca de Milan haverera tra in campagna e in le terre fanti 20 milia, et che per lettere aute lì a Roma de lngaltera, quel Re  era per far passar zente su la Franza; et che 'I Papa si mostrava molto caldo in proveder di danari.