Fu posto, per li Savii, excepto sier Gabriel Moro el cavalier et sier Santo Trun savii a terra ferma, la risposta se dia far a quanto propose li oratori di Franza di l'aiuto voi dar la Signoria al re Cristianissimo, venendo a la impresa de Milan, videlicet che, atento in le letere di Roma si ha, il Papa voler far trieve zeneral, et fati li monitorii a li principi christiani et li manda, et che'I cardinal Aus ha dito a Soa Santità il Re come Christianissimo sarà contento obedirli per atender a tanta bona opera contra il Turco, per il chè, facendo al presente alcuna motion di guera, saria contrario a questo; ma che Soa Maestà è certa semo obsequientissimi di quella; con altre parole.


Et sier Gabriel Moro predito contradise, dicendo voria indusiar do zorni et in questo mezo intender li partidi vol far questo orator cesareo, e poi tratar questo.

Et li rispose sier Piero Boldù savio a terra ferma. Poi parlò sier Santo Trun, vuol se tegnimo con Franza, et fe' lezer una soa letera voi scriver in Franza et saper il tempo quando voi Soa Maestà venir a la impresa, e in ultima dir quello voi i Savii. Poi parlò sier Marin Morexini, fo avogador, e fe' bona renga; ma voi unirsi streto con Franza, et laudò quasi la parte del Trun, biasemò mollo quello del Moro. Poi parlò sier Domenego Trevixan el cavalier, procurator, savio dii Consejo, con gran autorità, dicendo saria contrario a quello vol far il Papa, come se rispondesse altramente etc. Andò le parte: 9 dil Moro, 24 dil Trun, 147di Savii. Et fu presa.