Letera dil Baylo nostro di Constantinopoli al dito orator Minio, di 8 Mazo.

Come el Signor a dì 6 partite de lì con la sua Porta, et ora zonto in Samandria, va a l’impresa di Hongaria, et andava a la provintia de Sermai. Et par che ’l ditto Signor habbi con la sua Porta meno di 4000 Janizari, et che il Bilarbei non voleva el Signor andasse in persona e passare Bursa, ma li bassa hanno volesto el vegni per dar più riputation a la impresa, et mandano galie e fusto per el Danubio; hanno con sì assa’ cara di rami per far artelarie ; et che turchi andavano mal volentiera a ditta impresa, dicendo andando sariano marturizadi ; et che Curtogoli era armirajo de dile galie, e capitano uno sanzacho.

Scrive, è armate 10 galie et 6 fuste, le qual a dì 6 partiteno de lì. Item scrive, si usa de le strane parole per la tardita dil prefato Orator nostro destinato a Sua Excelentia.